АЛЛА Тағала жарылқасын ағамызды

Қазақ өнеріне қазақ театр өнерінің аса көрнекті қайраткері Атагелді Исмаиловтың қосқан үлесі ұшан-теңіз екенін осы қысқа да болса мазмұнды түсірілген бағдарламадан көріп отырмыз. Мен бұл кісінің есімін, айрықша әуезді әдемі дауысын мектеп оқушысы кезімнен кәдімгі қабырға радиосынан естіп, жадымда сақтаппын. Ол кезде ақпарат құралының ең кең таралған түрі және қол жетімдісі Қазақ радиосы тыңдармандарға қазақ тілінде көптеген керемет бағдарламалар, дубляждалған шығармаларды ұсынатын. Радионы жиі тыңдағаннан уақыт өте дикторлардың рөлдерді орындаған немесе дубляждаған Атегелді Исмаилов деген дауыстары есімде жатталып қалды. Есейе келе, Алматыда жоғары оқу орынында оқып жүргенде, одан кейін де әрине, ол кісінің қазақ театр саласының атақты әртісі екенін біле жаттық. Бірде Мысырдың бас шахарында қызметтік іс-сапарда жүргенде ҚР Парламенті Мәжілісінің Каирге сапармен келген ресми делегациясының мүшесі Асқар Исмаилов есімді жауапты қызметкермен таныстым. Кішіпейіл, инабатты, зиялығы көрініп тұрған Асқармен жақын таныса келе, оның сол баяғы дауысы менің жадымда мәңгі сақталған атақты өнер қайраткері Атагелді Исмаиловтың кіші ұлы екені белгілі болды. Сол Асқармен, жасы менен әлдеқайда кіші болса да, ағалы-інілі, дос болып кеттік, кездескен сайын қазақ театрының тарихы немесе араб әлемі, араб тілі, Таяу Шығыстың қызықты тарихы туралы әңгімеміз ешкашан үзілмей жалғасып келе жатыр. Қазақ өнері тарихына есімі алтын әріптермен жазылған, соңынан мол өшпес мұра қалдырған, қазақтың біртуар қайраткері азаматы Атагелді ағамыздың жатқан жері жайлы, топырағы торқалы болсын, марқұмның рухына Алладан шапағат, пайғамбардан рахым сұраймыз.

Атакелді Исмаилов өте талантты өз ісінің шебері болған. Мамандығын жүрегімен сүйген. Театрдың жүрегі еді. Көптеген рольдерді өз мәнінде орындап көрермендердің жүрегінен орын алған. Қазақ теартрына қосқан үлесі зор. Түзде әртіст, үйде асқар тау әке еді. Атакеді Исмаиловтың есімі мәңглік есімізде қалады. Жатқан жері жайлы, иманы жолдас болсын. Артында қалған ұрпақтарына алла ұзақ ғұмыр берсін.

Атагелді Ысмайыловты біз "Саған күшік керек пе?" киносынан танимыз.