Қаржы қысқан уақыт, дүкен сөрелерінде сатарға тауар жоқ. Сауда орындарында ұзын-сонар адам кезегі. Ашынған жұрт бір-біріне тістеніп ашуға булыққан. Тілім нан мен жұтым сүтке зар болған бұқара дүкеннің алдына таңатпай жиналады. Арасында ересегі де, жасы да бар. Қазақ ол қасіреттіде бастан өткерді. Ол кезде барлығы күйреп тұрған сәт еді. Болашақ бұлыңғыр, шегінерге жол жоқ.